(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 242

॥ శ్రీః ॥
1.242. అధ్యాయః 242
Mahabharata - Adi Parva - Chapter Topics
సుభద్రావివాహః॥ 1 ॥
Mahabharata - Adi Parva - Chapter Text

1-242-0(10465)
వైశంపాయన ఉవాచ। 1-242-0x(1299)
కుకురాంధకవృష్ణీనామపయానం చ పాండవః।
వినిశ్చిత్య తతః పార్థః సుభద్రామిదమబ్రవీత్॥ 1-242-1(10466)
శృణు భద్రే యథాశాస్త్రం హితార్థం మునిభిః కృతం।
వివాహం బహుధా సత్సు వర్ణానాం ధర్మసంయుతం॥ 1-242-2(10467)
కన్యాయాస్తు పితా భ్రాతా మాతా మాతుల ఏవ వా।
పితుః పితా పితుర్భ్రాతా దానే తు ప్రభుతాం గతః॥ 1-242-3(10468)
మహోత్సవం పశుపతేర్ద్రష్టుకామః పితా తవ।
అంతర్ద్వీపం గతో భద్రే పుత్రైః పౌత్రైః సబాంధవైః॥ 1-242-4(10469)
మమ చైవ విశాలాక్షి విదేశస్థా హి బాంధవాః।
తస్మాత్సుభద్రే గాంధర్వో వివాహః పంచమః స్మృతః॥ 1-242-5(10470)
సమాగమే తు కన్యాయాః క్రియాః ప్రోక్తాశ్చతుర్విధాః।
తేషాం ప్రవృత్తిం సాధూనాం శృణు మాధవి తద్యథా॥ 1-242-6(10471)
వరమాహూయ విధినా పిత్రా దత్తా తథార్థినే।
సా పత్నీ తు పరైరుక్తా సా వశ్యా తు పతివ్రతా॥ 1-242-7(10472)
భృత్యానాం భరణార్థాయ ఆత్మనః పోషణాయ చ।
దానే గృహీతా యా నారీ సా భార్యేతి స్మృతా బుధైః॥ 1-242-8(10473)
ధర్మతో వరయిత్వా తు ఆనీయ స్వం నివేశనం।
న్యాయేన దత్తాతారుణ్యే దారాః పితృకృతాః స్మృతాః॥ 1-242-9(10474)
గాంధర్వేణ వివాహేన రాగాత్పుత్రార్థకారణాత్।
ఆత్మనాఽనుగృహీతా యా వశ్యా సా తు ప్రజావతీ॥ 1-242-10(10475)
జనయేద్యా తు భర్తారం జాయా ఇత్యేవ నామతః।
పత్నీ భార్యా చ దారాశ్చ జాయా చేతి చతుర్విధాః॥ 1-242-11(10476)
చతస్ర ఏవాగ్నిసాక్ష్యాః క్రియాయుక్తాశ్చ ధర్మతః।
గాంధర్వస్తు క్రియాహీనో రాగాదేవ ప్రవర్తతే॥ 1-242-12(10477)
సకామాయాః సకామేన నిర్మంత్రో రహసి స్మృతః।
మయోక్తమక్రియం చాపి కర్తవ్యం మాధవి త్వయా॥ 1-242-13(10478)
అయనం చైవ మాసశ్చ ఋతుః పక్షస్తథా తిథిః।
కరణం చ ముహూర్తం చ లగ్నసంపత్తథైవ చ॥ 1-242-14(10479)
వివాహస్య విశాలాక్షి ప్రశస్తం చోత్తరాయణం।
వైశాఖశ్చైవ మాసానాం పక్షాణాం శుక్ల ఏవ చ॥ 1-242-15(10480)
నక్షత్రాణాం తథా హస్తస్తృతీయా చ తిథిష్వపి।
లగ్నో హి మకరః శ్రేష్ఠః కరణానాం బవస్తథా॥ 1-242-16(10481)
మైత్రో ముహూర్తో వైవాహ్య ఆవయోః శుభకర్మణి।
సర్వసంపదియం భద్రే అద్య రాత్రౌ భవిష్యతి॥ 1-242-17(10482)
భగవానస్తమభ్యేతి ఆదిత్యస్తపతాం వరః।
రాత్రౌ వివాహకాలోఽయం భవిష్యతి న సంశయః॥ 1-242-18(10483)
నారాయణోఽపి సర్వజ్ఞో నావబుధ్యేత విశ్వకృత్।
ధర్మసంకటమాపన్నే కిం ను కృత్వా సుఖం భవేత్॥ 1-242-19(10484)
మనోభవేన కామేన మోహితం మాం ప్రలాపినం।
ప్రతివాక్యం చ మే దేవి కిం న వక్ష్యసి మాధవి॥ 1-242-20(10485)
వైశంపాయన ఉవాచ। 1-242-21x(1300)
అర్జునస్య వచః శ్రుత్వా చింతయంతీ జనార్దనం।
నోవాచ కించిద్వచనం బాష్పదూషితలోచనా॥ 1-242-21(10486)
రాగోన్మాదప్రలాపీ సన్నర్జునో జయతాం వరః।
చింతయామాస పితరం ప్రవిశ్య చ లతాగృహం॥ 1-242-22(10487)
చింతయానం తు కౌంతేయం మత్వా శచ్యా శచీపతిః।
సహితో నారదాద్యైశ్చ మునిభిశ్చ మహామనాః॥ 1-242-23(10488)
గంధర్వైరప్సరోభిశ్చ చారణైశ్చాపి గుహ్యకైః।
అరుంధత్యా వసిష్ఠేన హ్యాజగామ కుశస్థలీం॥ 1-242-24(10489)
చింతితం చ సుభద్రాయాశ్చింతయిత్వా జనార్దనః।
నిద్రయాపహృతజ్ఞానం రౌహిణేయం వినా తదా॥ 1-242-25(10490)
సహాక్రూరేణ శినినా సత్యకేన గదేన చ।
వసుదేవేన దేవక్యా ఆహూకేన చ ధీమతా॥ 1-242-26(10491)
ఆజగామ పురీం రాత్రౌ ద్వారకాం స్వజనైర్వృతః।
పూజయిత్వా తు దేవేశో నారదాదీన్మహాయశాః॥ 1-242-27(10492)
కుశలప్రశ్నముక్త్వా తు దేవేంద్రేణాభియాచితః।
వైవాహికీం క్రియాం కృష్ణః స తథేత్యేవముక్తవాన్॥ 1-242-28(10493)
ఆహుకో వసుదేవశ్చ సహాక్రూరః ససాత్యకిః।
అభిప్రణంయ శిరసా పాకశాసనమబ్రువన్।
దేవదేవ నమస్తేస్తు లోకనాథ జగత్పతే॥ 1-242-29(10494)
వయం ధన్యాః స్మ సహితైర్బాంధవైః సహితాః ప్రభో।
కృతప్రసాదాస్తు వయం తవ వాక్యేన విశ్వజిత్॥ 1-242-30(10495)
వైశంపాయన ఉవాచ। 1-242-31x(1301)
ఏవముక్త్వా ప్రసాద్యైనం పూజయిత్వా ప్రయత్నతః।
మహేంద్రశాసనాత్సర్వే సహితా ఋషిభిస్తదా॥ 1-242-31(10496)
వివాహం కారయామాసుః శక్రపుత్రస్య శాస్త్రతః।
అరుంధతీ శచీ దేవీ రుగ్మిణీ దేవకీ తథా॥ 1-242-32(10497)
దివ్యస్త్రీభిశ్చ సహితాః సుభద్రాయాః శుభాః క్రియాః।
అర్జునేఽపి తథా సర్వాః క్రియా భద్రాః ప్రయోజయన్॥ 1-242-33(10498)
మహర్షిః కాశ్యపో హోతా సదస్యా నారదాదయః।
పుణ్యాశిషః ప్రయోక్తారః సర్వే తే హి తదార్జునే॥ 1-242-34(10499)
అభిషేకం తదా కృత్వా మహేంద్రః పాకశాసనిం।
లోకపాలైస్తు సహితః సర్వదేవైరభిష్టుతః॥ 1-242-35(10500)
కిరీటాంగదహారాద్యైర్హస్తాభరణకుండలైః।
భూషయిత్వా తదా పార్థం ద్వితీయమివ వాసవం॥ 1-242-36(10501)
పుత్రం పరిష్వజ్య తదా ప్రీతిమాప పురందరః।
శఛీ దేవీ తదా భద్రామరుంధత్యాదిభిస్తథా॥ 1-242-37(10502)
కారయామాస వైవాహ్యమంగలాన్యాదవస్త్రియః।
సహాప్సరోభిర్ముదితా భూషయిత్వా స్వభూషణైః॥ 1-242-38(10503)
పౌలోమీమివ మన్యంతే సుభద్రాం తత్ర యోషితః।
తతో వివాహో వవృధే కృతః సర్వగుణాన్వితః॥ 1-242-39(10504)
తస్యాః పాణిం గృహీత్వా తు మంత్రైర్హోమపురస్కృతం।
సుభద్రయా బభౌ జిష్ణుః శచ్యా ఇవ శచీపతిః॥ 1-242-40(10505)
సా జిష్ణుమధికం భేజే సుభద్రా చారుదర్శనా।
పార్థస్య సదృశీ భద్రా రూపేణ వయసా తథా॥ 1-242-41(10506)
సుభద్రాయాశ్చ పార్థోఽపి సదృశో రూపలక్షణైః।
ఇత్యూచుశ్చ తదా దేవాః ప్రీతాః సేంద్రపురోగమాః॥ 1-242-42(10507)
ఏవం నివేశ్య దేవాస్తే గంధర్వైః సాప్సరోగణైః।
ఆమంత్ర్య యాదవాః సర్వే విప్రజగ్ముర్యథాగతం॥ 1-242-43(10508)
యాదవాః పార్థమామంత్ర్య అంతర్ద్వీపం గతాస్తదా।
వాసుదేవస్తదా పార్థమువాచ యదునందనః॥ 1-242-44(10509)
ద్వావింశద్దివసాన్పార్థ ఇహోష్య భరతర్షభ।
మామకం రథమారుహ్య శైబ్యసుగ్రీవయోజితం॥ 1-242-45(10510)
సుభద్రయా సుఖం పార్థ ఖాండవప్రస్థమావిశ।
యాదవైః సహితః పశ్చాదాగమిష్యామి భారత।
యతివేషేణ నియతో వస త్వం రుక్మిణీగృహే॥ 1-242-46(10511)
వైశంపాయన ఉవాచ। 1-242-47x(1302)
ఏవముక్త్వా ప్రచక్రామ అంతర్ద్వీపం జనార్దనః।
కృతోద్వాహస్తతః పార్థః కృతకార్యోఽభవత్తదా॥ 1-242-47(10512)
తస్యాం చోపగతో భావః పార్థస్య సుమహాత్మనః।
తస్మిన్భావః సుభద్రాయా అన్యోన్యం సమవర్ధత॥ 1-242-48(10513)
స తథా యుయుజే వీరో భద్రయా భరతర్షభః।
అభినిష్పన్నయా రామః సీతయేవ సమన్వితః॥ 1-242-49(10514)
అపి జిష్ణుర్విజజ్ఞే తాం హ్రీం శ్రియం సన్నతిక్రియాం।
దేవతానాం వరస్త్రీణాం రూపేణ సదృశీం సతీం॥ 1-242-50(10515)
స ప్రకృత్యా శ్రియా దీప్త్యా సందిదీపే తయాఽధికం।
ఉద్యత్సహస్రదీప్తాంశుః శరదీవ దివాకరః॥ 1-242-51(10516)
సా తు తం మనుజవ్యాఘ్రమనురక్తా యశస్వినీ।
కన్యాపురగతా భూత్వా తత్పరా సమపద్యత॥ ॥ 1-242-52(10517)

ఇతి శ్రీమన్మహాభారతే ఆదిపర్వణి సుభద్రాహరణపర్వణి ద్విచత్వారింశదధికద్విశతతమోఽధ్యాయః॥ 242 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.